Tetë persona kanë vdekur dhe të paktën 13 rezultojnë të zhdukur, pasi një rrëshqitje e dheut e shkaktuar nga shirat e dendur rrëmbeu shtëpitë në ishullin Ischia, pranë Napolit. Përroi i baltës dhe mbeturinave përfshiu ndërtesat dhe tërhoqi makinat në det ndërsa arriti në bregdet herët të shtunën.
Një grua 25-vjeçare dhe një familje, përfshirë një foshnjë të porsalindur raportohet se janë në mesin e të zhdukurve.
Moti i keq thuhet se po pengon përpjekjet për të arritur në ishull. Shira të dendur kanë goditur Kampaninë, rajonin përreth Napolit dhe Ischia-s, dhe është paralajmëruar për reshje shiu dhe erëra të forta deri të dielën.
Autoritetet lokale po u bëjnë thirrje banorëve të qëndrojnë në shtëpi, për të shmangur pengimin e shërbimeve të urgjencës. Ministri italian i infrastrukturës Matteo Salvini, konfirmoi se tetë persona kishin vdekur, duke shtuar: “Nga veriu në jug, ky vend duhet të mbrohet sepse është vendi më i bukur në botë”.
Burimi i lajmit: BBC. Përshtatur nga Tirana Today
