Policia ka përcjellë detajet sa i takon rrëmbimit të Indrit Beqirajt një ditë më parë. Ky i fundit është mbajtur peng për disa minuta në makinë nga disa persona. Në autostradën Durrës-Tiranë, në vendin e quajtur “Koxhas”, dy vëllezërit Indrit dhe Gentian Beqiraj duke udhëtuar me motor, dyshohet se janë përfshirë në një incident rrugor. Një automjet ka goditur motorin e tyre, i cili për pasojë ka dalë nga rruga.
Për këtë shkak, dy vëllezërit janë konfliktuar fizikisht me personat që ishin në automjet. Burimet zyrtare të policisë shtojnë më tej se në konflikt e sipër, personat që ishin në automjet kanë marrë njërin prej vëllezërve, Indrit Beqiraj, të cilin e kanë lënë në rrugë, larg nga vendi i konfliktit, dhe më pas janë larguar.
Njoftimi i policisë
Në autostradën Durrës-Tiranë, në vendin e quajtur “Koxhas”, shtetasit G. B. dhe I. B. (vëllezër), duke udhëtuar me motor, dyshohet se janë përfshirë në një incident rrugor, pasi një automjet ka goditur motorin e tyre, i cili për pasojë ka dalë nga rruga. Për këtë shkak, dy vëllezërit janë konfliktuar fizikisht me personat që ishin në automjet.
Në konflikt e sipër, personat që ishin në automjet kanë marrë njërin prej vëllezërve, shtetasin I. B., të cilin e kanë lënë në rrugë, larg nga vendi i konfliktit, dhe më pas janë larguar.
Nga strukturat hetimore të Drejtorisë Vendore të Policisë Durrës, nën drejtimin e Prokurorisë, në bazë të kallëzimit të shtetasit I. B., është regjistruar procedimi penal dhe po punohet për sqarimin e motivit dhe të rrethanave të ngjarjes, si dhe për implikimin e këtyre personave, në ngjarje të tjera.
