Blutë e Durrësit kanë shpallur në kërkim Aleksandër Laho, alias Pëllumb Muharremi, në kuadër të operacionit më të fundit policor “Porositësit”.
I njohur edhe me nofkën “Rrumi”, ai nuk është emër i panjohur. Dyshohet se në bashkë me dy persona të tjerë, të ketë marrë peng njërin prej vëllezërve Beqiraj, Indrit Beqirajn. Kjo ngjarje është shënuar në 2 tetor në afërsi të fshatit Koxhaj, në autostradën Tiranë-Durrës.
Në 2019-n, ai mbeti i plagosur në atentatin ndaj prokurorit Arjan Ndoj ngjarje e ndodhur më 1 nëntor pranë mbikalimit të Shkozetit. Persona të paidentifikuar qëlluan me armë zjarri nga mjeti i tyre në drejtim të automjetit ku po udhëtonte prokurori Ndoj.
