Një nga personazhet më të dashur për publikun, Sara Hoxha ka dhënë një intervistë ndryshe. Ajo ka folur për bashkëshortin i saj Ledion, në një intervistë për “Revistawho.com”. Gjatë intervistës Sara ka folur edhe për marrëdhënien me babain e ndjerë dhe mamanë e saj.
Sara ka treguar se ka qenë vajza e babit. Kur ai u nda nga jeta, ishte fëmijë dhe nga dhimbja e madhe që po kalonte bëri që t’ja vinte fajin të ëmës. Ajo ka bërë mamanë përgjegjëse, si një formë për t’u përball me humbjen. Megjithatë Sara thekson se për mamanë vdes dhe sot e kupton sa shumë ka bërë ajo për to.
Pjesë nga intervista
“Në fillim unë dhe mami im nuk ishim shumë të lidhura me njëra-tjetrën. Unë isha më tepër vajza e babit, isha më e lidhur me të. Mami ishte tërë kohës aty. E merrja pak për të mirëqënë. Ndërsa babit ia ndjeja mungesën, doja ta kënaqja, ta bëja të ndihej krenar. Pastaj kur babi ndërroi jetë, gjërat morën pak për kot. Nuk është se nuk e doja, se unë vdes për mamin tim, por e bëja atë me faj që babi nuk ishte më. Ishte mbase mënyra ime për t’u përballur me humbjen. Për të do të ketë qënë shumë e vështirë kjo pjesë, por kur e mendoj, isha akoma fëmijë kur ai iku. Pastaj gjërat ndërruan kur u lidha me ty. Sepse më shihte si të rritur, më të pavarur, pra kishim një komunikim të ri dhe më pas kur linda London, arrita të kuptoj vërtet se sa shumë ka bërë ajo për mua, për ne. E shihja vetë se sa e vështirë ishte të rrisje një fëmijë, sa përgjegjësi ke dhe i shtoja dhe faktin që babi nuk ishte aty për të, ajo ishte vetëm, vetëm në familje, vetëm në biznes, por si një Super Grua! Mami im është gjithçka”, është shprehur Sara.
