Ricardo Centurion, futbollisti argjentinas i cili dy herë ka qenë pjesë e Genoas por asnjëherë nuk arriti të përshtatet. Ai kishte problem disiplinën, rregullat dhe bashkëjetesën në grup. Kjo bëri që ai të kthehej sërish në Argjentinë dhe tashmë luan për Racing Avellaneda.
Ricardo është rritur pranë një zone mjaft të rrezikshme në Argjentinë dhe fëmijëria e tij ka qenë mjaft e vështirë, pasi në një moshë të vogël ka humbur edhe të atin. Në një intervistë për mediat vendase ai ka befasuar me deklaratën e tij, ku u shpreh se ishte droguar më parë.
“Jam rritur pranë Avellaneda, një zonë ku sot nuk mund të kthehem. E gjitha kjo për shkak të zilisë. Fëmijëria ime ka qenë mjaft e vështirë, pasi babai humbi jetën në vendin e punës kur unë ishta 5 vjeç. Ai punonte në një fabrikë fishekzjarrësh dhe ajo shpërtheu. Aty ishin 7 punëtorë dhe asnjëri prej tyre nuk arrit të mbijetonte, ne akoma nuk e dimë çfarë ndodhi.
Më pëlqejnë armët, por nuk kam kryer ndonjëherë krim. Kam edhe foto me armë, që i kamë bërë më parë, pasi jam rritur mes tyre. Nëse do të isha rritur me jahte, do të kisha foto me jahte, por me atë jetë jam rritur unë. Kam përdorur edhe marijuanë. Sot ka kontrolle anti-doping surprizë, por më parë ishte ndryshe”, shprehet futbollisti.
