Rrëfimi i Batistutës/Nga rreziku për të prerë këmbët tek zgjedhjet e Sampaolit

Gabriel Omar Batistuta është një prej futbollistëve që kujtohen me më shumë dashuri në kombëtaren argjentinase dhe në Serie A. Golat e “Mbretit Luan”, siç ishte pagëzuar nga mbështetësit e Fiorentinës, shërbejnë ende edhe sot si një manual për ata që kërkojnë të lënë shenjë. Ish-sulmuesi i njohur u rrëfye në një intervistë të gjatë për gazetën spanjolle “Marca”, duke folur për shumë aspekte, nga shëndeti i tij e deri te zgjedhjet e Argjentinës.“Kam probleme serioze me kaviljet dhe lëviz me vështirësi. Për shumë kohë m’u desh të përdorja qetësues të fortë dhe ishte sikur të më kishin burgosur. Një ditë madje i kërkova mjekut të më priste këmbët. pasi nuk ia dilja dot nga dhimbja. Tani situata ka ndryshuar”, tha Batistuta.Ish-sulmuesi ikonë i Romës dhe Fiorentinës cilësoi 3 ish-milanistë, Baresin, Nestën dhe Maldinin, si mbrojtësit më të mirë me të cilët është ndeshur. Ndërkohë, për rolin e tij ka disa që i përshtaten. “Shumë futbollistë të sotëm më ngjajnë në karakteristika. Cavani, Suarez, Higuain apo Icardi. Ronaldo është i shkëlqyer dhe për më tepër ka pas krahëve një super ekip”, tha Gabriel Batistuta.Ai këshilloi gjithashtu dhe trajnerin e Argjentinës. “Messi po bën çdo gjë që të fitojë një titull me kombëtaren dhe duhet ta vendosin në kushte ideale. Por mendoj se në Kupën e Botës Sampaoli duhet ti ftojë të tre sulmuesit ë në formë. Aguero është një sulmues i deciziv, Icardi ka marrë Interi për dore dhe Higuain është një lojtarë i madh, mendoj se këta tre duhet të jenë patjetër me argjentinën në Rusi”, tha Batistuta.