Sot është mbajtur seanca e radhës lidhur me vrasjen e gjyqtares Fildes Hafizi. Autori i ngjarjes Fadil Kasemi, ish-bashkëshorti i viktimës, ka dhënë dëshminë e tij para togave të zeza.
Mësohet se Kasemi ka thënë që e ka ndihmur Fildesin për të vazhduar juridikun, dhe para magjistraturës kishte marrëdhënie të mira me të. Më pas ai është hasur me refuzim nga ana e saj, duke sjellë në fokus se e ndjera i mbyllte telefonin.
“E kam mdihmuar të punësohet edukatore, pastaj drejtoreshë. Pastaj më kërkoi të vazhdonte juridikun, dhe më pas më kërkoi ta fitonte juridikun në mënyrë të papërshtatshme. Deri para magjistraturës, me Fildesin kishim marrëdhënie shumë të mira.
Më pas më thoshte gjëra që nuk i kuptoja. Më mbyllte telefonin, më thoshte nuk i dua fëmijët”, ka thënë ai.
Fildese Hafizi u qëllua për vdekje në automjetin e saj me dy plumba nga ish-bashkëshorti Fadil Kasemi, me të cilin kishte më shumë se dy vjet që ishte divorcuar.
