Ish-ministri i Brendshëm duke u rrëfyer në emisionin “Opinion” përballë gazetarëve, ka theksuar se nuk ka përdoruar asnjë shantazh ndaj personave të tjerë përfshi edhe kryeministrin Edi Rama për t’i shpëtuar arrestimit. Tahiri ka mohuar edhe lidhjen me trafikun e drogës midis Shqipërisë dhe Italisë, me kushërinjtë e tij, Habilaj.
Jeni takuar me kryeministrin?
Jam takuar dje. Nuk më ka kërkuar asgjë që ta shënoja. Ka pasur një bisedë normale për një situatë për një anormale.
A keni kërcënuar njeri deri më tani?
Nuk e kam për model jetese. Këto janë përralla. Unë nuk kërcënoj njeri dhe çdo e vërtetë e imja nuk kërcënon njeri.
A keni të vërteta të tjera?
Unë kam bërë detyrën me të drejtë. E kisha për kollaj që të bëja miq në politikë edhe më shumë. Mund t’i bëja ndere të gjithëve. Mund të kisha shok Ilir Metën, por nuk e kam. Po kështu edhe opozitës. Sot ka edhe politikanë që kanë aleancë përtej kufijve politikë. Ndërsa unë sot jam vetëm dhe kam armiq.
Kush janë?
Unë nuk kam zgjedhur këtë rrugë. As për t’u lidhur me pronarët e mediave. Unë sot nuk jam vetëm. Jam me të gjithë ata që besojnë tek e vërteta. Jeta ime në PS nuk është e lidhur në miqësi dhe pëlqime personale, por në besimin e disa njerëzve. Ka njerëz që në PS nuk i kam shokë për mënyrën sesi e zhvilloj politikën time. Edhe sikur janë duke ngritur dolli nuk më intereson. Ka disa njerëz që më besojnë se ky vend mund të bëhet më mirë për fëmijët tanë. Edhe pse mund të mendohet se jam vetëm dhe kam armiq.
Si mund të bëhet vend i mirë kur politikanët janë të lidhur me kriminelë?
Unë kam një histori timen që dua ta rrëfej ashtu siç do ta rrëfej edhe në prokurori. Ashtu si dhe pse jam një hap larg arrestimit nga prokuroria.
Çfarë lidhje familjare keni me Habilajt?
Janë kushërinj të rangut të 10-të.
A ishin Habilajt personat me të cilët rrinit bashkë me ta dhe udhëtoni me ta?
Unë nuk kam ngrënë drekë me ta.
Po Moisi Habilajn?
Nuk e njoh fare.
