Ish-ministri i Drejtësisë ka thyer më në fund heshtjen, me anë të një konferencë për shtyp. Gjatë fjalës së tij, Tahiri tha se nuk e ka pasur të lehtë të qëndrojë i heshtur dhe të presë hetimin e prokurorive shqiptare dhe asaj italiane.
Teksa tregoi dokumentin e Prokurorisë Antimafia italiane, Tahiri tha se ka kaluar një periudhë shumë të vështirë, ndërsa shtoi se nuk do të harrojë ata që i qëndruan pranë dhe i besuan, por as ata që iu larguan.
Tahiri foli për një sprovë të madhe njerëzore që ka kaluar, por që sipas tij ia doli me sukses. Ndërsa nuk është kursyer as me akuza ndaj opozitës, teksa ka përmendur Bashën dhe Berishën, duke i quajtur vrasës që nuk dhanë asnjëherë llogari në gjykatë.
Fjala e Tahirit:
Lulzim Basha dhe Monika Kryemadhi kërkuan arrestimin tim. Unë ua bëra qejfin.
Mbani mend si kisha fituar një byzylyk, një kostum. Prokuroria e Antimafias italiane nuk e ka lënë pa verifikuar, kanë pyetur dhe dalin në përfundimin se janë gënjeshtra. Interpoli ka verifikuar të gjitha hyrje daljet, është mbyllur gjithçka dhe këtë nuk e them unë, e thotë prokuroria e antimafias italiane. Ata më dorëzuan këtë vendim. Me siguri do kenë kurajo të thonë se e kam blerë këtë vendim, ose më keq do thonë e ka blerë Edi Rama. Kjo që po ndaj unë sot me ju është një lajm i mirë për mua dhe familjen time dhe për ata njerëz që kanë besuar çdo ditë te unë dhe nuk ka qenë e thjeshtë, për shkak të heshtjes sime. Më kanë baltosur me gjysmë letra e gjysmë lajme, nga ajo dora e zezë. Dua t’i falënderoj shumë, më kanë bërë një shërbim shumë të madh. Më vunë në një sprovë të madhe njerëzore për të nxjerrë në dritë të vërtetën. Më kanë dhënë mundësi që të vërtetën time ta kërkoj jo në politikë, por si qytetar. Më kanë dhënë mundësi të vë në provë dashurinë e familjes time dhe të afërmve të mi, të atyre që duruan akuzat monstruoze. Nuk do harroj kurrë kush më qëndroi pranë e kush jo, kush m’u largua ën kohë të vështira. Letrat nga Italia i dorëzova në prokurori, kam duruar 1 vit gënjeshtra pa fund, nga ato që i plasin në media për të hedhur baltë për mua. Tani boll! Nëse nuk mjaftojnë 7 prokurorë, bëjini 70. Janë hetuar familja ime, të afërmit e mi, me kë kam folur në telefon. Sa duhet akoma, çfarë duhet akoma?
S’më ka humbur durimi dhe s’do më humbasë kurrë. Do vazhdoj të pres, sepse nuk jam Lulzim Baha, kaqol në politikë por kriminel ordiner që vrau e vodhi bashkë me Berishën dhe nuk u hetuan, nuk u gjykuan, nuk u dënuan. Ata që thonë se Rama po mbyll hetimet për mua, nuk e dinë që drejtësia e blerë është një dënim. Shqiptarët nuk e kanë të largët Saliu dhe Basha i shkuan në shtëpi Ilir Metës një natë para gjykimit. Sot këta të bëjnë moral, nuk kanë faj, ia kanë hedhur. Unë jam ndryshe, nuk jam si këta. Sa më vlen ndërgjegjja dhe e vërteta nuk më vlen asgjë tjetër./ TIRANA TODAY
