Elvana Gjata ka ardhur së fundmi me një dokumentar kushtuar jetës personale dhe profesionale, duke zbuluar shumë nga vetja për të gjithë fansat.
Gjatë transmetimit të dokumentarit në televizionin Top Channel, Elvana zbuloi disa detaje personale, si fakti që miqtë më të mirë e thërrasin Ela, personi më të cilin mund të flasë për gjithçka është motra e saj, si dhe ushqimet e saj të preferuara janë vetëm ato që gatuan mamaja e saj.
Në dokumentarin e shkurtër kushtuar jetës së saj në prapaskenë, Elvana ka zbuluar se arsyeja përse albumi i saj i fundit është titulluar “3” është sepse ky është numri i saj me fat si dhe sipas saj 3 është numër hyjnor, duke qenë se siç rrëfeu këngëtarja ajo beson shumë në Zot.
Gjithashtu Elvana zbuloi edhe detaje nga koncerti sekret i mbajtur disa ditë më parë në Tiranë, ku ishin 100 të ftuar specialë. Në të njëjtë ditë Elvana ka festuar edhe ditëlindjen e saj, raporton Top Channel.
Elvana është këngëtarja, e cila kohët e fundit ka vendosur që karrierën ta vazhdojë edhe në SHBA, si një mënyrë për promovimin e saj në tregun botëror.
