Policia e Durrësit ka nxjerrë të tjera detaje lidhur me atentatin tek mbikalimi i Shkozetit ku mbetën të plagosur tre persona.
Në makinë me prokurorin Arjan Ndoja, i cili ndodhet jashtë rrezikut për jetën, udhëtonte edhe një person me precedentë penalë. Bëhet fjalë për Landi Muharremin, i cili 3 vite më parë u akuzua për ushtrim dhune ndaj biznesmenit amerikano-libanez, Faadi Mitri.
Ndërsa i plagosuri i tretë identifikohet si Andi Maloku, i cili dyshohet se ka qenë shofer i makinës. Mësohet se ndodhet në gjendje të rëndë shëndetësore.
Ata janë qëlluar nga një automjet tjetër tip “Benz” tek mbikalimi i Shkozetit. Sakaq, prokurori dhe një prej të plagosurve ndodhen jashtë rrezikut për jetën.
