Dy nga katër sulmuesit e një shqiptari, të cilët e qëlluan me thikë dhe rrahën me shufra hekuri në Vitry-sur-Orne më 26 gush, u gjykuan dje. Dënimet me tre dhe dy vjet burg janë dhënë kundër tyre, raporton media franceze republicain-lorrain.fr.
Ata janë vëllezër. Njëri ka jetuar në Clouange për dy vjet, tjetri kishte vetëm dy javë që kishte shkuar në Francë, më shpresën për një jetë më të mirë. Ata janë nga Shqipëria dhe u paraqitën dje në gjykatën e Thionville, të akuzuar për akte të rënda të dhunës së ndodhur në Vitry-sur-Orne më 26 gusht, pak para mesnatës.
E ndërsa motivet e mosmarrëveshjes mes shqiptarëve janë ende të paqarta, kujtojmë që hetimet janë përqendruar për çështje parash. Një borxh ishte bërë shkak i një sherri mes të lënduarit dhe vëllait më të madh.
Në debat e sipër situata kishte dalë jashtë kontrollit. Më 26 gusht, ndërsa po dilte shtëpia Mark Marku kishte marrë një telefonatë. “Ai donte që ne ta shihnim njëri-tjetrin në sy”, thotë i pandehuri.
Në takim të dy shqiptarët kishin qenë të inatosur. Nga një video e cila ka rënë në duar të hetueseve, shikohet se ata kishin pasur me vete edhe armë të ftohta (thika).
Sherri mes tyre kishte degjeneruar në dhunë të përgjakshme ku Marku e kishte qëllua me thikë dhe me gurë ish-shokun e dhomës.
E ndërsa Marku kishte shkuar në parking kishte patë që tre gomat e makinës së tij ishin të çara.
I tërbuar dhe i zemëruar në kulm, ai vëllai i tij dhe dy bashkëpunëtorë të tjerë ishin vënë në ndjekje të shqiptarit, ish-shokut të dhomës së Markut. Aty kishte ndodhur një përleshje e egër.
Në vetëm tridhjetë e tre sekonda (sipas imazheve të kamerave të vëzhgimit), i lënduari ishte qëlluar me shufra hekuri dhe leva.
Të katër sulmuesit kishin ikur dhe e kishin lënë atë pothuajse të vdekur.
Pak minuta më vonë, ai kishte arritur të ngrihej ishte kthyer në shtëpi ku dhe kishte kërkuar ndihmë. Ai ishte dërguar në spital dhe është në gjendej kritike për jetën.
Dy sulmues të dyshuar janë ende në arrati
Falë dëshmisë së një banori vendas që e pa automjetin e agresorëve për herë të parë, policia ka bërë të ditur se do të arrijnë t’i identifikojnë ata. Vetëm dy nga katër agresoret janë gjykuar. Dy të tjerët ende po kërkohen nga policia.
Pasi e kishte qëlluar me thikë e më pas me shufër hekuri, Mark Marku është dënuar me tre vjet burgim dhe vëllai i tij më të vogël Martin Simoni me dy vjet./TIRANA TODAY/
