Rozana Radi e ka thënë shpesh në intervista të ndryshme se nuk dëshiron aspak që të komentohet për jetën e saj personale, por këtë herë ajo ka bërë një përjashtim të vogël.
Fansat e saj gjithmonë kanë qenë të interesuar se si është një ditë e saj, dhe se kush janë angazhimet që i marrin një pjesë të madhe të kohës. E ftuar në emisionin “Pop Culture”, ajo, për herë të parë pas shumë vitesh, është rrëfyer për historinë e saj të dashurisë me partnerin e saj Shpëtim Karakushi.
Këngëtarja ka treguar se ajo dhe i dashuri bashkëjetojnë prej 5 vitesh, ndërsa ka mohuar lajmet që qarkulluan këtë verë për një fejesë të mundshme në Capri të Italisë, ku çifti pushoi këtë verë. “Jo nuk jam fejuar, nuk e di si dhe nga dolën ato lajme. Ne jemi një çift i konsoliduar”, ka thënë ajo.
Teksa gazetari e ngacmoi për një martesë të mundshme mes çiftit, tekstshkruesja ka pohuar se ajo dëshiron shumë një ceremoni martese, sepse e ka ëndërruar që e vogël si çdo femër, por deri më tani nuk ka ende asnjë datë të përcaktuar për këtë.
“Njohja jonë ka qenë krejt rastësore, ndaj dhe martesa nëse ndodh do të jetë po rastësore. Nëse s’e kërkon ai, atëherë do e bëj unë”, shtoi Rozana me shaka.
