Valentino Rossi, shtatë herë kampioni i botës i ka kaluar me sukses vizitat mjekësore dhe ka marrë “Ok” për të zbritur në pistën e Mugellos që këtë të premte për provat e lira të çmimit të madh të Italisë.
Piloti 38-vjeçar deklaroi se dëshira për të garuar është e madhe por vetëm pasi të zbresë në pistë mbi motor do ta kuptoj nëse do të jetë i aftë për të garuar apo jo.
Për të fituar më shumë kohë, që do të t’i shërbejë për t’u qetësuar, Rossi ka anuluar konferencën për shtyp, të kësaj të enjteje.
Në vend të tij përkrah Maverick Vinales, Dani Pedrosa dhe Andrea Dovizioso është shfaqur Andrea Iannone.
Pas 5 garave të para të vitit, Valentinio Rossi renditet në vendin e tretë me 62 pikë. Kryeson Maverick Vinales me 85 pikë, ndërsa i dyti pozicionohet Pedroza.
7 herë kampioni i botës në MotoGP pësoi një aksident në pistën e Motocros në Cavallara, dhe pasi qëndroi për disa ditë në spital për shkak të dhimbjeve në gjoks tashmë është gati t’u kthehet normalisht garave të MotoGP.
