Cristiano Ronaldo u shfaq përpara mediave për të analizuar humbjen e Real Madridit në fushën e Tottenham dhe momentin e keq që po kalon skuadra.
Situata në skuadër: ”Është e keqe sepse kemi humbur dhe jemi mësuar të fitojmë. Është një ecuri e keqe por duam ta ndryshojmë dhe jam i sigurt që do e ndryshojmë, ky është principi ynë, kemi shumë kohë akoma për t’u përmirësuar dhe jam i bindur që do të bëjmë mirë.”
Rezultat i komplikuar: ”Nuk ka ndodhur asgjë, janë ecuri të këqija dhe ne nuk mund të jemi gjithnjë mirë, duhet ndryshuar dhe pranuar që nuk jemi ashtu siç duam, por nuk shoh gjërat dhe aq keq, duhet të kemi besim.”
Kritikat: ”Kur nuk fiton, njerëzit tentojnë të gjejnë gjëra të ndryshme, unë flas përpara jush në emër të bashkëlojtarëve të mi, kam besim se gjërat do të ndryshojnë.”
I irrituar në fushë: ”Është normale, kur humbet gjërat nuk janë ashtu siç dëshiron dhe kërkon të motivosh bashkëlojtarët, ishte një goditje e rëndë goli i 3-0 edhe pse për mua nuk reflekton mirë atë që ndodhi në fushë. Goli i tyre i parë ishte në pozitë jashtë loje. Qëndrimi ynë është të vrapojmë, të luftojmë, të bëjmë më mirë.”
Rinovimi i tij: ”Kam katër vite më shumë në kontratë dhe mua më mjaftojnë, nuk dua të rinovoj e as të përmirësoj kontratën, jam shumë mirë.”
Analiza e ndeshjes: ”Nuk ishte një ndeshje aq e pabarabartë, ishte e ekuilibruar. Ata shënuan në rastet që patën dhe ne jo, kjo ishte diferenca. Nuk na tejkaluan. Goli i tyre ishte në pozitë jashtë loje dhe ai gol ndryshoi gjërat. Duhet pranuar që nuk jemi në një moment të mirë, por duhet punuar më shumë.”
Kriza: ”Nuk e di se çfarë të them. Njerëzit harrojnë shumë shpejtë gjërat e mira. Krizë asnjëherë, mund të humbasim tre apo katër ndeshje por asnjëherë nuk ka krizë. Nuk duhet harruar atë që kemi bërë.”
Zidane: ”Ajo që ndodhë në dhomat e zhveshjes mbetet aty, jemi të qetë dhe jemi të gjithë me të.”
Ecuria e keqe: ”E rëndësishme është të fitohet, futbolli është për të fituar. Kur nuk fiton njerëzit flasin, por nuk duhet të harrojnë atë që kemi bërë, kemi fituar dy trofe të rëndësishëm.. Real Madridi fitoi dy Championsit e fundit dhe ne duhet të jemi të qetë. Kemi rënë pak por jam shumë i qetë, e di që ekipi do të ndryshoje. Është një ecuri e keqe, duhet ta pranojmë. Gjërat do të ndryshojnë dhe ajo që ka rëndësi është se si do e përfundojmë sezonin.”
Golat e paktë: ”Nuk ka gjë, jam super i qetë. Kam bërë një shfaqje të mirë dhe tashmë nuk llogariten nga ju, janë vetëm golat. Nëse kërkon në Google ‘Cristiano gol’ shfaqen të gjitha, nuk më shqetëson asgjë.”
Momenti i sezonit: ”Në fund të sezonit do të shohim, është gjithnjë e njëjta, duhet të jemi të qetë. E pranojmë që nuk jemi mirë por gjërat ndryshojnë. Jam i sigurt që gjërat nuk do jenë gjithmonë kështu, futbolli të mundëson të jesh një bishë, të jesh shumë i keq një ditë më pas, prandaj duhet të jemi pozitiv.”
Mungesat: ”Lojtarët që kanë arritur kanë shumë potencial. Pepe, Morata, James na bënin më të fortë, por tani janë më të rinj, dhe janë po ashtu të mirë. Na mungojnë po ashtu Carvajal, Bale. Skuadra e bashkuar është më e fortë. Nuk është një skuadër më e keqe se e sezonit të shkuar, por të rinjtë që kanë ardhur kanë më pak eksperiencë dhe eksperienca ka shumë rëndësi. Nuk është një arsyetim, jam i kënaqur, nuk mund të alarmojmë situatën.”
