Cristiano Ronaldo në fillim mendohej se ishte futbollisti favorit për të fituar çmimet individuale të sezonit që lamë pas, por në të vërtetë deri tani ai nuk ka fituar asgjë. Por deri tani janë zhvilluar dy mbrëmje gala, një nga FIFA dhe tjetra nga UEFA, ylli portugez ka mbetur ‘thatë’.
Madje portugezi mungoi edhe në mbrëmjet që u mbajtën duke treguar kështu një qejfmbetje me dy qeveritë më të mëdha të futbollit.
Ndërkohë së fundmi për të përditshmen spanjolle “Marca” ka folur dhe trajneri i Portugalisë, Fernando Santos i cili ka thënë: “Modriç është një futbollist i madh dhe për këtë e votova si i dyti lojtar më i miri, por Cristiano është padyshim më i miri. Ai ka shënuar 50 gola në sezonin e kaluar dhe kur lojtari më i mirë në botë nuk fiton asnjë çmim, atëherë ndodh diçka e çuditshme”.
