Fituesi i Topit të Artë ka munguar në seancën stërvitore të së mërkurës për shkak të një dëmtimi dhe rrezikon të humbasë edhe ndeshjen klasike të parë të kampionatit kundër Barcelonës. Real Madrid konfirmoi se ylli kishte “punuar veçmas nga grupi”, pasi pësoi një dëmtim në ndeshjen finale të Botërorit të Klubeve përballë Gremio, ku shënoi dhe golin e vetëm të sfidës.
Ronaldo ka rrezik që të humbasë sfidën e së shtunës, ku përballë do të ketë rivalin e tij kokë më kokë Lionel Messin. Madridi është 11 pikë prapa klubit të Camp Nou, të cilët nuk kanë humbur në La Liga këtë sezon. Skuadra e Zidane ka fituar duelin e parë në Superkupë përballë Barcelonë me rezultat 3-1, ku një ndër shënuesit ishte dhe Ronaldo. Ky i fundit ka shënuar vetëm katër gola këtë sezon, ndërsa Messi ka shënuar plot 14 gola.
Ndërsa në stërvitje me grupin është parë edhe Gareth Bale i cili pas një dëmtimi kaq të gjatë duket se ka gjetur formën e tij dhe duket se do të jetë gati për sfidën e radhës. Nëse edhe Ronaldo do të jetë i gatshëm për “El Clasico”, Zidan do të jetë i qetë pasi pas kaq shumë kohësh do të ketë në fushë BBC, e cila ka sjellë kaq shumë trofe në Madrid në vitet e fundit.
