Real Madridi fitoi në finale e Botërorit të Klubeve përballë Gremios me rezultat 1-0, me gol të shënuar nga Cristiano Ronaldo nga goditje dënimi. Portugezi foli pas ndeshjes për suksesin që arriti ekipi këtë vit futbollistik që lamë pas dhe për të ardhmen e tij ku shprehu dëshirën për të vazhduar deri në fund të karrierës tek madrilenët. Po ashtu Ronaldo ka marrë edhe disa ndërhyrje të forta nga kundërshtarët dhe ka ndjerë dhimbje gjatë pjesës së dytë, por është shprehur i sigurt se për “El Clasico” do të jetë i gatshëm.
“Jam i lumtur për fitoren, Real Madridi nuk kishte fituar asnjëherë pesë tituj për një vit. Flas në fushë për të gjithë ata njerëz që pëlqejnë futbollin, sepse unë jap gjithmonë më të mirën. Nuk kam nevojë të flas gjithmonë për vetën, mendoj ashtu si u shpreha kur fitova Topin e Artë. Numrat nuk gënjejnë, flasin vet. Jam ende i motivuar të vazhdojë të fitojë trofe, kjo është ajo që më pëlqen të bëjë”.
“Nëse është e mundur do doja të pensionohesha te Real Madridi. Por, kjo nuk varet nga unë. Nuk jam në krye të klubit. Do vazhdoj të bëj më të mirën në fushë dhe do të shohim. Loja e ashpër nga skuadra kundërshtare? Në pjesën e dytë fillova të ndjejë pak dhimbje, ndihem pak në siklet, por për të shtunën do të jem gati”, ka thënë Ronaldo.
