Romela Begaj ishte e vetmja sportiste shqiptare që bëri të mundur të këndohej himni i Shqipërisë në botërorin e peshëngritjes, në Anaheim të SHBA-ve. Ajo triumfoi ë stilin e shkëputjes duke fituar medalje ari dhe në dygarësh me medalje argjendi, duke u kthyer aty ku ka qenë në majën e kësaj gare.
“Kam pasur vështirësi të mëdha dhe ia arrita. Gara për mua ishte shumë e kënaqshme. Gara gjithmonë ka të papritura, por unë në fund ia dola. Unë u ktheva aty ku kam qenë, por maksimumi im nuk ishte aq”, tha Begaj.
Shtangistja shqiptare konfirmoi se nuk ishte në maksimumin e gjendjes së saj fizike, ndërsa ka edhe një dedikim për këtë rezultat.
“Kam bërë një skaner dhe kam një dëmtim në shpatull. Dëmtimi nuk është i lehtë, por shpresoj që të rikthehem këtu për një kurim më të specializuar. Për këtë rezultat kam një dedikim special për trajnerin dhe bashkëshortin tim Gazmend Akcani dhe familjen time”, u shpreh Romela.
