Një komedi e shkruar nga Erand Sojli, e cila rrëfen ‘dramën’ një psikologie 35- vjeçare. Vajza e pushtuar nga paniku i vetmisë, pas divorcit me burrin vendos të porosisë një robot mashkull, i programuar për t’u sjellë në mënyrë romantike. Filma, çokollata, lule… Ajo e trajton robotin si burrë, derisa vjen momenti që i propozon edhe martesë.
Në këtë moment, roboti prishet. Çfarë do të ndodhë më pas? Këtë artdashësit mund ta zbulojmë në teatër. Ta zbuloni e të qeshni, në interpretimin e aktorëve: Erand Sojli, Aurora Qazimi, Ariola Basho, Jaho Guma.
Komedia synon të përçojë mesazhe të mëdha tek publiku përmes të qeshurave dhe simpatisë që gëzojnë aktorët kryesorë:
Nëse blen një krevat, nuk do të thotë se ke blerë dashurinë.
Nëse blen një shtëpi, nuk do të thotë se ke blerë familjen.
Nëse ke para, nuk do të thotë se mund të kesh gjithçka. Njeriu nuk mund të zëvendësohet. Dashuria është Zoti dhe Zoti është dashuria për njëri -tjetrin.
22, 23 maj 2017, ora 20:00, Teatri Kombëtar Eksperimental “Kujtim Spahivogli”
