Roma fitoi trofeun e Conference League, në Air Albania. Roma e Jose Mourinhos ka shkruar historinë në kryeqytetin shqiptar, teksa është bërë skuadra e parë që ka fituar trofeun e Ligës së Konferencave.
Skuadra italiane mposhti në finale Feyenoordin me rezultatin 1-0, duke siguruar kështu trofeun e parë të ligës më të re Europiane.
Goli i Nicolo Zaniolos, i dhuroi kryeqytetasve trofeun, të cilët kishin pritur më shumë se 60 vite, për të provuar shijen e një trofeu Europian për klube. Edhe pse holandezët bënë gjithçka në pjesën e dytë, fati nuk ishte me ta.
Pavarësisht se holandezët hynë me përqendrimin e duhur në pjesën e dytë, nuk mund të shkonin më shumë se sa tek goditjet e shtyllave. Një triumf ky për Mourinhon që arrin të fitojë një tjetër kompeticion ndërkombëtar, këtë herë me Romën.
