Mbrojtësi i kombëtares shqiptare Berat Gjimshiti do të luaj titullarë në sfidën që do të mbyllë javën e dytë të Seri A mes Romës dhe Atalantës. Duket se Gjimshiti është ka fituar besimin e Gasperinit dhe tashmë do ta ketë të sigurt vendin e titullarit. Ndërsa portieri Etrit Berisha sërish nuk do të jetë në lojë, pasi ka humbur mundësinë për të qenë zgjedhja e parë. Në stadium do të jetë prezent edhe trajneri i kombëtares Panucci, për të vëzhguar futbollistin kuqezi.
Si Roma edhe Atalanta vijnë në sfidën e sotme pas fitoreve në javën e parë. Për sa i përket Gjimshitit, ai mesa duket është shndërruar në një titullar te zikaltërit, duke bindur trajnerin italian.
FORMACIONET ZYRTARE:
ROMA: Olsen, Florenci, Manolas, Fazio, Kolarov, Pelegrini, De Rosi, Kristante, Ynder, Pastore, Xheko.
ATALANTA: Golini; Palomino, Mançini, Gjimshiti, Kastagje, Pesina, Valzania, Rigoni, Ali Adnan, Pasaliç, Zapata.
