Tashmë e dimë të gjithë se fëmijët e prindërve të pasur jetojnë një një botë ku nuk u mungon asgjë materiale. Kanë çdo gjë që ëndërrojnë, makina të shtrenjta, rroba firmato, shkojnë me pushime në vendet më luksoze apo janë të pajisur dhe me mjetet e teknologjisë më të fundit. Por, është zbuluar se jo gjithmonë ndodh kështu.
Shumë prindër, duke qënë të vetëdijshëm për pasojat e një jetese të tillë tek fëmija, kanë ndërmarrë seriozisht rolin edukues që ka familja. Dhe shembulli i përkryer është themeluesi i kompanisë Microsoft, Bill Gates. Sipas të dhënave ekonomike, Bill disponon një kapital të ardhurash ekonomike prej 90,5 miliardë dollarë duke u konsideruar kështu njeriu më i pasur në planet.
Është shumë interesant fakti që fëmijët e Bill Gates deri në moshën 14 vjeçare nuk kishin akses në rrjetet sociale, madje as në të ardhurat ekonomike të babait të tyre. Aktualisht vajza e madhe e Bill ndjek sporte të ndryshme dhe në veçanti pasionin e saj, kalërimin, madje përfaqëson vendin e saj në konkurse të ndryshme që realizohen.
Që tek ambientet dhe personat që ajo frekuenton, tregon se Jennifer është person modest dhe mjaft e edukuar, e mirërritur nën përkujdesin e babait të saj.
Çuditërisht, shumë ndryshe nga ç’ndoshta do të vepronte çdo prind, Bill ka vendosur që pasurinë e tij ta përdorë në gjetjen e kurave për të shëruar sëmundje të ndryshme dhe për bamirësi, kështu çdo fëmijë përfshirë të tijët të rritet me moralin se paratë nuk gjenden, por krijohen me mund e nuk shpërdorohen.
