Javën e kaluar, në emisionin e Luana Vjollcës, kanë qenë të ftuar këngëtarët Robert Berisha, Ronela Hajati dhe Zaimina Vasjari. Gjatë një loje, Zaimina i drejtoi Robertit pyetjen se cila ishte “Pagesa më e lartë që kishte marrë në një koncert”.
Ai iu përgjigj 3000 euro, dhe kjo e fundit i tha se ishte një shifër shumë e ulët, pasi ajo në kohën e saj merrte 5000. Deklarata e saj duket se e ka prekur Robertin. Ky i fundit e ka përmendur në një video, teksa ishte me Labin dhe Noizyn.
Labinot Gashi në profilin e tij në Instagram ka publikuar një video, ku shfaqet bashkë me Robert Berishën dhe Noizyn.
Teksa moderatori po filmonte me telefon, i drejton kamerën Robertit dhe e pyet; “A don mu, a don Noizyn?”. Roberti me të qeshura jep përgjigjen befasuese; “Unë e dua Zaiminën”.
