Skuderia e Formula 1 Williams ka mohuar se ka arritur një marrëveshje përfundimtare me pilotin Robert Kubica, për sezonin 2018. Kubica testoi makinën e Williams F1 dy herë muajin e kaluar pasi ekipi e vlerësoi atë si një zëvendësim të mundshëm për Felipe Massa. Pas rritjes së spekulimeve se Kubica kishte siguruar vendin e dytë të Williams, ekipi ka insistuar se asgjë nuk është e vendosur.
“Ndonëse bisedimet janë në vazhdim me Kubica, ende nuk është vendosur ende se kush do të zëvendësojë Massa. Ne do të bëjmë një njoftim kur të kemi diçka për të njoftuar por asgjë nuk është planifikuar këtë fundjavë në Abu Dhabi,”- thuhet në deklaratën e Williamsit.
Kampioni i botës F1 i vitit të kaluar, Nico Rosberg, ka marrë një rol menaxhues, për të mbështetur Kubican, në përpjekjet e tij për t’u rikthyer në rrjetin e Grand Prix pas rrëzimit në 2011-ën që e la atë me lëndime të rënda në krah. Kubica fillimisht u kthye në motorsport përpara se të niste një program të garave sportive dhe testeve me qëllim për të vlerësuar nëse ai do të jetë i aftë për një rikthim të F1.
Shoferi rezervë i Williams, Paul di Resta, Pascal Wehrlein i Sauber dhe ish-vozitësi i Toro Rosso Daniil Kvyat gjithashtu janë në garë për vendin e lirë, por Kubica tashmë kuptohet si zgjedhja numër një. Massa kishte qenë gjithashtu një opsion, para se të vendoste të tërhiqej nga F1 kur u bë e qartë se Williams nuk mund t’i garantojë atij një vend 2018. TIRANA TODAY
