Arjen Robben në prag të ndeshjes me Psg, ka lëshuar një deklaratë të fortë për ekipet e që shpenzojnë shuma ekstreme parash. Bavarezi ka ironizuar më shumë duke lënë të kuptohet që nuk janë paratë që bëjnë golat.
“PSG ka shpenzuar pak më shumë sesa ne, por paratë nuk bëjnë gola. Golat i bëjnë lojtarët cilësorë në fushë, golat i bëjnë skuadrat e mira”, tha Robben.
PSG ka disa vite që shpenzon qindra milionë euro në merkato për të arritur objektivin Champions League. Këtë vit bënë blerjen më të shtrenjtë të historisë: Neymar nga Barcelona u ble për 222 milionë euro.
Edhe Presidenti i Bayern, Uli Hoeness, u shpreh pothuajse njësoj me holandezin në një intervistë të mëparshme për revistën “Kicker”: “Do të vijë një ditë kur investitorët e mëdhenj do të mërziten duke hedhur para’ e duke mos fituar trofe. Do ta kuptojnë që suksesi sportiv nuk vjen në mënyrën që ata kishin menduar”.
