Kryeministri i Maqedonisë, Zoran Zaev dhe ai i Bullgarisë, Bojko Borisov zhvilluan një takim në Strumicë. Dy kryeministrat nënshkruan shumë marrëveshje midis tyre për bashkëpunime. Një nga nënshkrimet është dhe memorandumi për zyrtarizimin e zvogëlimit të tarifës ndërkombëtare për roaming në shërbimet telekomunikacionit. Ky është roaming i parë që ul ndjeshëm çmimet, ndërsa roaming me Kosovën dhe Shqipërinë do të pres edhe shumë kohë. Sigurisht që shqiptarët që jetojnë në Maqedoni janë të interesuar për uljen e tarifave roming me Shqipërinë dhe Kosovën.
Memorandumin e kanë nënshkruar ministri për shoqëri informatike Damjan Mançevski kurse nga pala bullgare Ivajllo Moskovski. Në anën tjetër qytetarët shqiptarë edhe më tej do të vazhdojnë të paguajnë çmimet më të larta për të komunikuar me qytetarët e Kosovës dhe të Shqipërisë.
Burimet tona nga kjo ministri bëjnë të ditur se roaming me këto dy shtete akoma nuk është përmendur në asnjë takim zyrtar dhe nuk pritet që këtë vit të ketë ndryshim në këtë aspekt.
