Trajneri i Barcelonës, Ernesto Valverde beson se konkurrenca mes Messit dhe Ronaldos se kush ishte lojtari më i mirë në botë tashmë ka përfunduar. Ai është i mendimit se në momentin që portugezi u largua nga Spanja ky rivalitet përfundoi pasi njerëzit nuk mund të përmendin njërin pa përmendur tjetrin.
“Largimi i Ronaldos ka mbyllur konkurrencën mes tij dhe Messit, sepse njerëzit nuk e përmendin njërin, pa e përmendur tjetrin.
Shumë njerëz janë të interesuar, që të shohim se si do të jetë Real Madrid dhe çfarë do të bëjnë ata në këtë merkato. Po ashtu do të shohim se si do të ndikojë largimi i Ronaldos në La Liga dhe tek madrilenët në Ligën e Kampionëve”, deklaroi Valverde për revistën zyrtare të klubit, Barcelona.
Valverde ka fituar dy trofe në sezonin e parë me katalanasit, por eliminimi nga Roma në cerekfinalen e Champions League pas asaj përmbysje të cmendur e ka tronditur atë.
“Ishte një ditë e tmerrshme, dhe analiza ime për ndeshjen e dytë ishte se çdo gjë rreth asaj sfide nuk ishte e mirë. Ndeshja e parë ishte e vështirë por ne krijuam një avantazh të mirë, por në ndeshjen e dytë ishin shumë më të fortë se ne.”
Me Iniesta tashmë që është larguar, Coutinho shihet si lojtari që pritet të zëvendësojë magjistarin spanjoll. “Ai a aftësi të luajë në disa pozicione, por është pak më sulmues se Iniesta dhe ka shënuar më shumë gola. Por si Andres, ai mund të bëjë gjithçka.”
