Të mos mjaftonte humbja në ndeshjen e parë përballë Skënderbeut, tek Partizani shpërtheu një ‘stuhi’ pas shkarkimit të serbit i cili ishte në rolin zëvendës-trajnerit, Marko Jovanoviç. Ai akuzoi rëndë trajnerin Skënder Gega se ishte nacionalist dhe i paaftë për punën që bënte. Por tekniku Gega në një prononcim për “RTSH Sport” i është përgjigjur me mjaft qetësi këtyre akuzave.
“Nacionalist dhe i paaftë”, Partizani i përgjigjet serbit që sulmoi trajnerin
54-vjeçari mohon të jetë treguar nacionalist ndaj të huajve dhe sidomos ndaj serbit që deri dje ishte ndihmësi i tij. Po ashtu ai nuk ka pranuar që të marrë leksione dashurie mbi Partizanin nga një i huaj, pasi që në moshën 18-vjeçare ka qenë pjesë e të kuqve.
“Unë mund të them vetëm një gjë, te Partizani kam që në moshën 18 vjeç dhe për mua nuk është thjesht një klub, por familje. Kështu që nuk mund të pranoj leksione dashurie nga askush, aq më shumë nga të huajt. Mund të them vetëm që persekutimet nacionaliste nuk përpara gjejnë terren në Shqipëri, kjo për çdo të huaj, duke përfshirë aq më shumë serbët.
Kam dëshirë t’iu bëj me dije vetëm se gjendja e skuadrës është e shëndetshme, pavarësisht humbjes në ndeshjen e parë, dhe t’iu garantoj që shumë shpejt do të shihni Partizanin e vërtetë’, ishin fjalët e trajnerit për RTSH Sport.
