Smartphone-t e ardhshëm të kompanisë Google, do të bwjnw tw mundur identifikimin e aksidenteve dhe do të thërrasin për ndihmë urgjencën.
Lajmin e bëri të ditur faqja e internetit ‘XDA-Developers’, e cila zbuloi se ishte ngarkuar në ‘Play Store’ një aplikacion i quajtur “Siguria personale”.
“Do të jenë gjithashtu të mundur të njoftojnë shpejt urgjencën, duke u dërguar atyre pozicionin dhe gjithashtu një mesazh të personalizuar”, shkruhet në faqen e internetit.
Këta telefona mësohet se do të jenë në gjendje të zbulojnë nëse përdoruesi i automjetit është përfshirë në një aksident. Në rastin se identifikon se jeni përfshirë në një aksident, telefoni do të lëkundet dhe do të aktivizojë alarmin duke e pyetur përdoruesin nëse ai ka nevojë për ndihmë.
Në rast se nuk merret një përgjigje, do të njoftohen direkt shërbimet e urgjencës duke dërguar edhe vendndodhjen.
