Ndërtimi i bypass-it Fier-Levan prej dy vitesh ishte pezulluar, pasi kompania italiane “Serenissima” që mori përsipër realizimin e saj u zhduk. Firma në fjalë kishte premtuar që projekti do të finalizohej në fundin e vitit 2016, por që nuk u bë as gjysma e punimeve në këtë aks rrugor. Ajo rezultoi një firmë ‘fantazmë’ e cila u zhduk bashkë me një shumë të madhe parash.
Ndërsa ditën e sotme ministri për Infrastrukturën dhe Energjinë, Damian Gjiknuri ka dhënë ditën e sotme lajmin se tani kanë rifilluar punimet për ndërtimin e fazës finale, duke e cilësuar si një vepër të rëndësishme infrastrukturore.
Ndërtimi i kësaj rruge do të lehtësonte qarkullimin në qytetin e Fierit, pasi do të mënjanoheshe nga mjetet të cilat kanë destinacion jugun e Shqipërisë, kryesisht gjatë verës.
