Përmbytjet, buxheti i vitit 2018, zgjedhja e kryeprokurorit të ri dhe festat e nëntorit ishin disa nga temat e dy javëve të fundit që larguan nga vëmendja çështjen “Tahiri”. Në momentet kur duket se situata po qetësohet fillojnë mediat e huaja të shkruajnë për mbështetjen qe po i jep qeveria shqiptare ish-ministrit të Brendshëm, Saimir Tahiri.
Në Courrierdesbalkans.fr shkruhet se hetimet janë në vijim dhe vetëm javën e kaluar në Greqi u kap një sasi e madhe droge, që sipas mediave greke është e miqve të ish-ministrit të Brendshëm.
“Pavarësisht nga presioni ndërkombëtar, qeveria e Edi Ramës bllokoi rastin Tahiri. Kjo qeveri ka mbështetur ish-Ministrin e Punëve të Brendshme, të akuzuar për lidhje me trafikantët e drogës. Ndërsa hetimi vazhdon, arrestime të mëdha u bënë javën e kaluar në Greqi”, shkruhet tek Courrierdesbalkans.fr.
I vetmi koment publik që ka bërë Saimir Tahiri është urimi që i bën shqiptarëve me rastin e 105-vjetorit të Pavarësisë. Deri më tani Tahiri nuk ka bërë asnjë deklaratë rreth hetimeve ndaj tij.
