Gjykata e Lartë në Itali ka anuluar konfiskimet e kompanive, apartamenteve dhe restoranteve në pronësi të biznesmenit shqiptar Gëzim Sallaku. Asetet mund t’i kthehen sipërmarrësit shqiptar. Gëzim Sallaku, sipërmarrësi në ndërtim si dhe Presidenti i skuadrës italiane të futbollit “Darfo Boario” në provincën e Breshës, në prill të viti 2016 u dënua me 2 vjet e 9 muaj, shkruan giornaledibrescia.it.
Operacioni Laguna i ndërmarrë nga Policia Financiare e Breshës në korrik të vitit 2015 vuri nën arrest shqiptarin Gëzim Sallaku, si dhe dy vëllezërit e tij Saimir dhe Isuf. Gëzimi ishte sipërmarrës i njohur në Itali, dhe vëllai e tij SajmirI ishin nën akuzat e krimit fiskal, tendera të trukuar, korrupsion në sektorin publik, mashtrim fiskal dhe riciklim parash.
Sipas akuzës dy vëllezërit shqiptarë Gëzim e Sajmir Sallaku kontrollonin shumicën e tenderave publik në disa komuna të Breshës.
Në kuadër të Operacionit Laguna, policia financiare italiane arrestoi 10 persona, vuri nën hetim tre këshilltarë të komunave të Pian Camuno, Pisogne e Sale Marasino, në provincën e Breshës si dhe sekuestroi 10 shoqëri, 92 pasuri të patundshme, 1 motoskaf e 32 automjete me një vlerë prej 8 milionë euro.
Sallaku rezultonte person me precedentë penalë, pasi në vitin 2002 përfundoi pas hekurave për trafik makinash luksoze të grabitura në Itali dhe të rishitura në vendet e Evropës Lindore.
Sipas autoriteteve italiane Sallaku falsifikonte dokumentet e qarkullimit, në mënyrë që automjetet të lejoheshin të transportoheshin nga Marseja në Afrikën e Veriut, përkatësisht në Libi. Në urdhër thuhet se ai ishte gjithashtu në gjendje për të ndërtuar lidhje me stafin aktual të portit të Barit. Duke bërë kështu qarkullim të mëdha parash.
Sakaq kjo bandë kriminale vidhte materiale ndërtimi dhe i riciklonte jashtë vendit. Materialet eksportoheshin në mënyrë të paligjshme në Libi dhe Shqipëri.
Mediat italiane shkruajnë se Sallaku në Itali, ku jeton e punon prej vitesh, ka krijuar një perandori duke blerë disa restorante përveç Darfo-s. Sallaku njihej me nofkat “talebani” dhe “Zim”.TIRANA TODAY
