Pas ditëve me diell, përkeqësohet sërish moti, teksa rikthehen reshjet e shiut dhe të borës në zonat e thella.
Temperaturat do të ulen lehtë, ndërsa IGJEUM parashikon reshje shiu në Shkodër, Kukës, Dibër e Lezhë.
Parashikimi sipas Meteoalb:
E ENJTE: Paraditja mbetet me kthjellime e vranësira kalimtare por mesdita shton vranësirat në Veri – Veriperëndim duke sjellë shira të pakët.
Pasditja fuqizon vranësirat në territor duke gjeneruar reshje shiu e dëbore në Veri ndërsa reshje afatshkurtra në pjesën tjetër të vendit.
Temperaturat e ajrit do të ulen lehtë në orët e para të ditës por edhe mesdita do të shënojë ulje me 1 – 2 gradë C.
