Rihapet xhamia “Al Noor” në Christchurch pas sulmit terrorist ku mbetën të vrarë dhjetëra njerëz.
Rreth 3.000 njerëz marshuan nëpër Christchurch të shtunën, në atë që u quajt “Marshim për dashurinë” dhe që kishte si qëllim të nderonte viktimat që u vranë gjatë të shtënave në dy xhami më 15 mars.
Ata marshuan në heshtje dhe disa prejt tyre mbanin në duar pankarta, ku kërkohej paqe dhe kundërshtohej racizmi.
“Urrejtja ka sjellë kohë të zymta. Dashuria është kura më e fuqishme, për ta nxjerrë qytetin tonë nga errësira në dritë”, tha një prej marshuesve.
I akuzuar për vrasjen e 50 viktimave është një australian, 28-vjeçar.
Kryeministrja e Zelandës së Re, Jacinda Ardern vendosi të enjten ndalimin e të gjitha armëve gjysmëautomatike, ndërsa javën e ardhshme është paralajmëruar një ceremoni përkujtimore në nder të viktimave.
