Rey Manaj këtë merkato është larguar përfundimisht nga Interi dhe huazimet e shumta dhe do të jetë një lojtar i Albacetes, që militon në kategorinë e dytë në Spanjë, Segunda Divisio. Aventura e re për sulmuesin e kombëtares shqiptare ka qenë spektakolare, pasi ka shënuar për ekipin e tij që në debutim , duke i dhënë edhe pikën e parë.
Në përballjen më Deportivo La Corunën, ai u hodh në fushë pasi miqtë kishin kaluar në avantazh dhe vetëm 5’ minuta pasi u aktivizua arbitri akordon një penallti të çuditshëm për vendasit. Pas një kalvari të gjatë protestash nga lojtarët e Deportivos, arbitri i tregon kartonin e kuq dhe danezit Krohn-Dehli.
Manaj tregohet i saktë nga pika e bardhë e penalltisë dhe i dhuron pikën e parë Albacetes në kët sfidë të parë, por debutimi i tij është mjaft premtues, me shpresën që do të shënojë shumë gola gjatë sezonit.
