Djali i deputetit të PS, Rexhep Rraja, pritet të dalë para Gjykatës së Krujës për vlerësimin e masës së sigurisë, ndërsa akuzohet për dhunimin e Xhisiela Malokut. Ai është shfaqur në ambjentet e gjykatës i shoqëruar nga efektivët, dhe siç duket, shfaqet i qeshur.
Djali i deputetit u arrestua në 30 shtator, në kohën që ndodhej në biznesin e tij pranë Rinasit.
Pas gjithë deponimit dhe kallëzimeve të bëra nga 25-vjeçarja, ndaj tij është ngritur vetëm akuza e “përndjekjes”.
Ekspertiza mjeko-ligjore vërtetonte se ndaj 25-vjeçares Xhisiela Maloku ishte ushtruar dhunë, duke i djegur cigare në trup, si dhe duke e goditur me qytën e pistoletës.
Mjekësia ligjore dorëzoi më 27 shtator në Prokurorinë e Krujës aktin e ekspertimit të Xhisiela Malokut, duke vlerësuar se ajo ka dëmtime fizike të cilat klasifikohen si rrahje, dhe për të cilat ligjërisht, jepet raport deri në 9 ditë.
