Reshjet e para të borës kanë shkaktuar probleme në qarkun e Korçës dhe atë të Elbasanit.
Raportohet se në Dardhë trashësia ka arritur në 40 centimetra dhe kalimi i automjeteve bëhet vetëm me zinxhirë. Reshje ka edhe në Voskopojë dhe Kapshticë.
Probleme ka edhe në disa zona të thella të Elbasanit. Gjatë natës, trashësia e saj ka arritur në 30 centimetra në disa fshatra të Gramshit.
Aksi rrugor kombëtar Elbasan – Qafë Thanë nuk ka asnjë problem me qarkullimin.
Problematike janë disa rrugë të fshatrave të Librazhdit dhe Përrenjasit.
Kujtojmë se fshati turistik i Dardhës njihet për vizitueshmërinë nga turistët në këtë stinë, pasi bora është një ftesë për të apasionuarit e stinës së dimrit. Flokët e parë të dëborës në Korçë filluan dy ditë më parë.
