Dje ranë flokët e para të dëborës në Korçë. Këtë bardhësi e kanë shijuar edhe banorët në fshatrat e Dibrës dhe Bulqizës. Meteorologët parashikojnë se jo vetëm kjo fundjavë, por edhe java që vjen do të nisë me reshje shiu dhe dëbore në zonat malore, ndërkohë që temperaturat do të jenë të ulëta.
Ulja e temperaturave ka shkaktuar probleme në disa fshatra të Bulqizës. Ndërkohë që për shkak të reshjeve të borës, janë hasur probleme në Lurë, Selishtë dhe në Kalanë e Dodës.
Fundjava paraqitet e paqëndrueshme, ku vranësirat do të jenë të pranishme në të gjithë territorin, duke gjeneruar reshje dëbore në zonat malore dhe shira të dobët në pjesën tjetër, kryesisht në jug të vendit. Po ashtu, java tjetër do të nisë me reshje shiu e dëbore në zonat malore. Temperaturat e ajrit vijojnë të ulëta deri nga e mërkura tjetër, kur pritet rritje graduale e tyre.
