Prestigjiozja britanike “The Time”, i ka kushtuar një artikull bandave shqiptare të cilat sipas saj kanë pushtuar tregun e drogës vitet e fundit në Angli.
Media e njohur shkruan se gangsterët shqiptarë që kontrollojnë tregtinë e kokainës të pastër kanë rritur praninë e tyre me rreth 60 përqind në tre vitet e fundit, duke bërë që krimi të rritet ndjeshëm.
Bandat janë të dhunshme se aktiviteti i tyre kriminal është përhapur në shumë nga qytetet bregdetare dhe fshatrat rurale. Mafia shqiptare në Britani ka lidhje me kartelet e Amerikës Latine, tregojnë të dhënat e publikuara nga “The Times”.
Ritmi në të cilin bandat shqiptare të kokainës kanë vepruar në Britani është paraqitur nga shifrat e Agjencisë Kombëtare të Krimit.
Në tre vitet e fundit është vënë re se bandat janë shumë të dhunshme dhe eksponetetë të qeverisë kanë pohuar se ata merren me trafikimin dhe shitjen e kokainës së pastër.
Vetëm këtë javë, një i ri që mendohet të ishte i lidhur me bandat e drogës në Brixton u vra nga të shtënat me armë për një mosmarrëveshje për pazaret e drogës.
Tabela e parë që rendit nacionalitetet e bandave, të 4,600 grupeve më të rrezikshme të Britanisë së Madhe gjatë tre vjetësh, tregon se gangsterët shqiptarë në Britani kanë lënë pas edhe rumunët.
Shifrat tregojnë gjithashtu rritje të madhe të pranisë së bandave kineze dhe irakiane.
Gjatë të njëjtës periudhë ka pasur një rritje të mprehtë të bandave të përfshira në pastrimin e parave, krimit të dhunshëm dhe trafikimit të qenieve njerëzore. Këto zbulime erdhën pasi hulumtimi i Global Drug Surveys me bazë në Londër.
Bandat shqiptare kanë zhvilluar një reputacion të frikshëm, dhe sipas ekspertëve të logjistikës ata shpesh përplasen me armë me bandat rivale për të mbrojtur aktivitetin e tyre.
Kanabisi i shitur në Evropë, mendohet të ketë arritur një vlerë 4 miliardë paund në vit, por në Britani bandat janë përqendruar në furnizimin fitimprurës të kokainës, e cila shpesh shitet nga bandat nëpër rrugë.
Kokaina e shitur nga shqiptarët po synon traget grupe të vogla duke përfshirë edhe të mitur.
Andy Cook, shefi i policisë së Merseyside, i cili është zëdhënësi kombëtar për krimin e organizuar, tha: “Bandat shqiptare kanë ndikim në një numër qytetesh. Kriminaliteti i ardhur nga rajoni i Ballkanit po rritet ndjeshëm, dhe bandat janë shumë të dhunshme. Sfida është më e madhe sepse ne nuk kemi lidhje me autoritetet atje. Bandat janë të lidhura ngushtë dhe kanë pasur shumë sukses”.
Një burim i Agjencisë Kombëtare të Krimit shtoi se korrupsioni dhe mungesa e bashkëpunimit nga autoritetet në Ballkan e kishin bërë më të vështirë goditjen e baronëve të drogës nga Shqipëria.
Të dhënat u grumbulluan nga projekti i hartimit të grupeve të krimit të organizuar, nëpërmjet të cilit agjencia monitoron inteligjencën nga forcat policore në të gjithë Mbretërinë e Bashkuar, si dhe Forca Kufitare dhe HM Revenue & Customs.
Më shumë se 70 për qind e gangsterëve në Britani të Madhe gjatë tre viteve ishin britanikë dhe 60 për qind ishin klasifikuar si “evropian i bardhë”. Vetëm 13 përqind ishin të zinj.
Shifrat treguan gjithashtu se bandat pakistaneze, të cilat tentojnë të përfshihen shumë në tregtinë e heroinës, ishin grupi i dytë më i shquar.
Pak histori
Një bandë në lindje të Londrës e vetëquajtur si “Hellbanianz”, ka në dorë pjesën më të madhe të furnizimit me kokainë.
Adoleshentët e shesin drogën në vendpushimet e plazhit në Essex ose në fshatrat në qarqet e vendit, duke bërë qindra paund.
Tregtarët kërcënojnë rivalët e tyre me thika dhe armë, ndërsa ata që nuk paguajnë dënohen rrëmbehen dhe torturohen.
Mbi të gjitha janë shqiptarët, ata që japin urdhra dhe vijojnë të keni dominim në tregtinë e kokainës në Mbretërinë e Bashkuar.
Një prej emrave të njohur i është edhe shqiptari Tristen Asllan që kishte një shtëpi në veri të Londrës ku ai kishte ngritur një fermë drogë.
Grupi i tij punonte nën një kod nderi të quajtur “besa”, një betim për të mbrojtur njëri-tjetrin me jetën e tyre.
Në vitin 2013, katër anëtarë të një sindikate të drejtuar nga shqiptarët u burgosën në Glasgow pasi u kapën me një valixhe të mbushur me 1.2 milion euro kokainë. Imazhet në telefonin e një anëtari tregojnë Albert “Diti” Memia, 25 vjeç, i cili merrej me trafikimin e drogës.TIRANA TODAY
