“Nuk jam gati të vras për asnjë ideal”. Ky është motivimi që e shtyu Ivan Petunin, i njohur me emrin e artit Walkie, të vetëvritet.
Ivan Vitalievich Petunin, 27 vjeç, i cili u quajt me emrin e artit Walkie, u thirr për të luftuar në luftën barbare të Putinit në Ukrainë. Putini po përpiqet të çojë 300.000 ushtarë shtesë në vijën e frontit. Por shumë burra rusë kanë kërkuar dëshpërimisht mënyra për të shmangur draftin për të ndaluar dërgimin e tyre, për të vdekur në Ukrainë.
Të premten, trupi i Petunin u gjet pranë një ndërtese shumëkatëshe në qytetin rus të Krasnodarit, pasi muzikanti regjistroi një video tragjike përfundimtare në kanalin e tij Telegram, raporton Mail Online.
Reperi, i cili më parë ka shërbyer në ushtrinë ruse, u tha fansave të tij: “Nëse po e shikoni këtë video, atëherë nuk jam më gjallë. Nuk mund ta marr mëkatin e vrasjes dhe nuk dua, nuk jam gati të vras për asnjë ideal”.
“Unë zgjedh të mbetem në histori përgjithmonë, si një njeri që nuk e mbështeti atë që po ndodhte”. Pas vdekjes së Petunin, e dashura e tij thuhet se postoi: “Gjithçka ndodhi papritur… ai do të jetë gjithmonë një person i zgjuar dhe i sjellshëm që i pëlqen të bëjë shaka”.
Në faqet e tij, në rrjetet sociale, janë bërë homazhe nga fansat e shkatërruar. Njëri e quajti reperin si “legjendë”, ndërsa një tjetër shkruante: “Shpresoj të keni gjetur paqen”.
Një tjetër fans tha: “Jeta është kaq e paparashikueshme, kush do ta kishte menduar… ai ishte një djalë kaq i zgjuar.”
Marrë me shkurtime nga The Sun. Përshtatur nga Tirana Today
