Holanda është përfshirë nga përmbytjet masove, dhe autoritetet vendase po mundësojnë evakuimin e banorëve, nga zonat të cilat konsiderohen me rrezikshmëri të lartë.
Autoritetet po përgatiten të evakuojnë pjesën më të madhe të qytetit të Fenlo këtë pasdite dhe u kanë bërë thirrje banorëve të komunitetit më të vogël Meersen të jenë të gatshëm të largohen, shkruan Euronews.
Shërbimet e urgjencës thanë se vërshimet e uijit kishin rrethuar fshatrat përreth Bunde, Voulwames, Brommelen dhe Geulle. Pamjet e dronëve treguan se uji kishte mbuluar rrugët dhe shtëpitë.
Nivelet e ujit në Meuse dhe Rur arritën nivele rekord të Enjten, duke tejkaluar ato që çuan në përmbytje të mëdha në 1993 dhe 1995, thanë autoritetet lokale.
Kryeministri Mark Rutte e shpalli përmbytjen në provincën Limburg një katastrofë kombëtare. Qindra zjarrfikës dhe ushtarë u vendosën për të ndihmuar në përforcimin e pritave dhe evakuimin e banorëve.
