“Hell’s Kitchen” do të nisë sezonin e tretë, dhe shumë shpejt do të hapen audicionet për konkurrentët. Lajmin në fjalë e ka përcjellë autorja e emisionit.
Kujtojmë këtu se në muajin maj të këtij viti, shefi i kuzhinës Renato Mekolli lajmëroi ndjekësit se rrugëtimi i tij në “Hell’s Kitchen Albania” kishte përfunduar.
Mekolli tregoi se po largohej jashtë Shqipërisë, dhe ende nuk e dinte ç’do të bëhej me vazhdimësinë e programit.
Por autorja e emisionit ka ndarë një foto me Renato Mekollin, ku shkruan “Ja ku nisim përsëri”, duke lënë të kuptuar se shefi i kuzhinës do të jetë sërish këtë sezon në drejtimin e programit.
