Në raportin monitorues të Institutit të Studimeve Politike, theksohet se në bilancin e debateve parlamentare ka vlerë publike të njihet edhe lista e deputetëve të “heshtur”. Këta personazhe nuk kanë marrë pjesë në debate në seanca, e po kështu nuk kanë lënë gjurmë parlamentare në seancat plenare.
Në listën në fjalë bëjnë pjesë një numër i madh deputetësh nga opozita, të cilat janë penalizuar edhe për shkak të hapësirës së kufizuar për tu angazhuar në 1-3 seancat ku opozita ishte e pranishme, dhe që kanë pasur marrëdhënie të kushtëzuara me Kuvendin.
Në total bëjnë pjesë 16 deputetë të PD-së dhe 6 të LSI-së. Ndër të tjera, Instituti i Studimeve Politike vlerëson se aftësia për debat nuk është kriter për deputetët, por është një prej standardeve e të bërit politikë.
