Shtetet e Bashkuara të Amerikës kanë arritur një rekord të ri të testeve të bëra për Covid-19.
Konkretisht, brenda 24 orëve janë kryer 1,061,411 teste.
Por, sipas ekspertëve të ndryshëm vendit i duhen 6 milion deri në 10 milion teste në ditë për të vënë nën kontroll shpërthimet.
SHBA-ja testonte mesatarisht 650 mijë njerëz në ditë gjerësisht gjatë muajit të fundit, ndërkaq në fund të korrikut ishin testuar në ditë mbi 800 mijë persona, shkruan Reuters.
Që nga fillimi i pandemisë, pamundësia për të kryer testime ka ndikuar në përpjekjet për frenimin e përhapjes së koronavirusit.
SHBA është shteti më i prekur në botë nga Covid-19.
Deri më tani, janë shënuar 204 mijë viktima dhe 7 milion të infektuar.
