Zyrtarë të Shëndetit në Kolorado bëjnë me dije se është konfirmuar rasti i parë pozitiv me plagën bubonike.
Bëhet fjalë për një ketër, i cili është rasti i parë i murtajës në Qytetin e Morrison-it, në Jefferson, që ndodhet rreth 17 milje në jugperëndim të Denverit.
“Murtaja është një sëmundje infektive e shkaktuar nga bakteret Yersinia pestis, dhe mund të merret nga njerëzit dhe kafshët shtëpiake”, thonë zyrtarët e shëndetit publik.
Sipas Fox Neës, nëse merren masat e duhura, rreziku i marrjes së murtajës është “jashtëzakonisht i ulët”. Zyrtarët deklarojnë se njerëzit mund të infektohen përmes kafshimeve nga pleshtat, ose kafshët e infektuara.
Simptomat e murtajës mund të përfshijnë ethe të larta, të dridhura, dhimbje koke dhe vjellje, midis shenjave të tjera, që ndodhin brenda një jave nga ekspozimi.
Nëse diagnostikohet herët, kjo sëmundje mund të mjekohet me antibiotikë.
