Pas asaj fitoreje mjaft emocionuese në Champions League përballë Tottenham, Interi duket se e ka lënë pas krahëve krizën e javëve të para në Serie A. Tani në kampin zikalër po punojnë për të blinduar protagonistët kryesor të kësaj skuadre. I pari në listë duket se është qendërmbrojtësi sllovak, Milan Skrinar.
Interi është gati të rrisë ofertën e rinovimit për të, pasi prapa derës qëndron Manchester United që monitoron situatë. Qendërmbrojtësi ishte një nga yjet e sezonit të kaluar për Zikaltrit, dhe kërkon ta mbajë në San Siro me një kontratë të përmirësuar.
Gjithsesi, oferta e parë e 2.5 mln euro në sezon, dyfishi i rrogës aktuale, është refuzuar nga përfaqësuesit e tij. Sipas calciomercato.com, Jose Mourinho është një admirues i madh i lojtarit dhe Manchester United do të ishte gati të ofronte 5 mln euro në sezon.
Për këtë arsye do të fillojnë përsëri negociatat mes Inter dhe Skriniar, me klubin që është gati të rrisë ofertën në 4 mln euro në sezon.
