Reforma në Inspektoratet Shtetërore e drejtuar nga Inspektori i Përgjithshëm Z. Shkëlqim Hajdari ka gjetur mbështetjen e plotë të “Dhomave të Biznesit” në Shqipëri.
Anëtarët e dhomave të bisnesit, përkatësisht; Austriake, Franceze, Angleze si dhe si dhe përfaqësues të Shoqatës së Prodhuesve të Bimëve Medicinale janë takuar këto ditë me Shkëlqim Hajdarin në Inspektoratin Qendror.
Në këto takime, përfaqësuesit e bisneseve janë njohur me rregulloren e re, “Për përcaktimin e procedurës së inspektimeve si një proces i rregullt administrativ” si dhe me materialin filmik, ku pasqyrohen me pamje të gjitha proceset e inspektimit të përshkuara në rregullore.
Inspektori i Përgjithshëm, në këto takime i kërkoi përfaqësuesve të bisnesit që:
- T’i njohin anëtarët e tyre me këto procedura ligjore, të kryerjes së inspektimeve në bisneset e tyre;
- T’u krijojnë kushte bisneseve, për të përmbushur nga ana e tyre detyrimet ligjore;
- Të mos pranojnë kryerjen e procedurës së inspektimit jashtë kësaj procedure ligjore dhe njëkohësisht të njoftojnë në mënyrë elektronike dhe shkresore, Inspektoratin Qendror.
Inspektorati Qendror, do të vazhdojë të mbështesë kryerjen e inspektimeve të ligjshme, me proces të rregullt ligjor, me qëllim shmangien e korrupsionit dhe uljen e barrës së bisnesit.
Në këtë takim, kryetarët e dhomave dhe anëtarët e tyre, falenderuan për reformën e ndërmarë në Inspektoratet Shtetërore dhe deklaruan se janë të kënaqur nga kjo metodë ligjore, e kryerjes së inspektimeve në bisneset e tyre.
