Për herë të parë, aktori i famshëm Keanu Reeves ka dalë publikisht me të dashurën e tij. Megjithëse një prej aktorëve më të talentuar të viteve të fundit, për jetën e tij private shumë pak gjëra dihen.
Ai nuk ka pasur një lidhje serioze prej dekadash dhe kjo është hera e parë që ai kalon i shoqëruar në tapetin e kuq gjatë karrierës së tij 35-vjeçare. Këtë fundjavë, Keanu Reeves doli i kapur për dore me Alexandra Grant në një festival filmi në Los Anxhelos.
Aktori 55-vjeçar praktikisht prezantoi 46-vjeçaren për publikun, duke pozuar para fotografëve dhe fansave të shumtë.
Mësohet se çifti kanë bashkëpunuar për librat “Ode To Happiness” dhe “Shadows”, ku aktori ka shkruar poezitë, ndërsa e dashura e tij ilustrimet grafike. Gjithashtu, ata janë edhe ortakë në biznes, pasi janë bashkëpronarë të shtëpisë botuese “X Artists’ Books”.
