Alba apo Marcelo? Busquets apo Casemiro? Dhe a ka ndonjë vend për Bale? Ja kush është formacioni më i mirë i kombinuar i “El Clasico”.
Marc Andre ter Stegen
Ka pak argumente të mundshëm për të zgjedhur portierin më të mirë të Clasico-s. Ter Stegen ka pësuar një transformim të habitshëm gjatë 12 muajve të fundit, duke u larguar nga hija e Claudio Bravo për t’u bërë një nga portierët më të aftë në futbollin botëror. Nëse gjermani vazhdon në të njëjtën mënyrë, Manuel Neuer mund të ketë një luftë të vështirë për të mbajtur nr.1 për Kupën e Botës.
Dani Carvajal
Ndërsa Barcelona ka luftuar për të gjetur zëvendësimin e Dani Alves në anën e djathtë, nuk ka dyshim se kush e kontrollon atë krah në Bernabeu. Carvajal tani është një nga emrat e parë në skuadrën e Madridit dhe mungesa e tij është ndjerë shumë kur ai nuk ka qenë në gjendje për të luajtur.
Gerard Pique
Një lojtar që forma ecën në krah të kundërt me moshën. Pique ende mund të luaj në nivele të larta dhe të frymëzojë mbrojtjen e Barcelonës e cila në 17 javë kampionat ka pësuar vetëm 7 gola. Ai është një hap përpara Raphael Varane, i cili është duke ndërtuar një siguri për të ardhmen në Bernabeu.
Sergio Ramos
Mbrojtja është linja më e vështirë që mund të ndërtosh në këtë formacion të kombinuar. Samuel Umtiti ka marrë jetën tek Barça si një rosë në ujë, duke formuar një partneritet të frikshëm me Pique. Por në vend të tij është parteri spanjoll i Pique, i cili bën ligjin në prapavijë, por është dhe shumë i njohur për qëndrimin që ka si kapiten e Madridit që e konsiderojnë si një armë të caktuar.
Marcelo
Një pozicion shumë konkurruese. Partneriteti i Jordi Alba me Lionel Messin ka sjellë shumë gëzim këtë sezon dhe ish-lojtari i Valencia qëndron shumë lart me paraqitjet e tij. Për fat të keq ai ka përballë Marcelon, i cili është më i miri i krahut të majtë dhe padyshim një gurë themeli në tri fitoret e Champions League nga madrilenët në katër vitet e fundit.
Luka Modric
Në betejën e dy gjeneralëve kroatë të mesit, ylli i Real Madridit mposht bashkatdhetarin Ivan Rakitiç për një vend në XI e fillimit. Modric mori “Topin e Artë” në Botërorit e Klubeve për kontributin që dha për të sjellë titullin ne Madrid. Por jo vetëm kaq pasi ai cilësohet si një nga lojtarët më të mirë të brezit të tij.
Casemiro
Bisturia kirurgjike, apo vjedhësi? Krahasimi i punës së ndërlikuar të Serxhi Busquets me ankorimin e mesfushës së Barcelonës me stilin më të mirë të Casemiro-s, është një detyrë e vështirë. Por në formën aktuale braziliani është në avantazh, kjo për faktin edhe të dëshirës që ai ka për të dalë para dhe të godasë portë, ku në disa raste ka shënuar gola mjaft të bukur nga distanca.
Andres Iniesta
Vendi i fundit në këtë trio të kombinuar në mesfushë është zënë nga Iniesta, i cili vetëm me eksperiencë ia merr vendin Toni Kroos. Talenti i gjermanit nuk vihet në dyshim, por veterani i Barcelonës mbetet një krijues i pabesueshëm dhe shpesh kursen performancat e tij më të mira për “El Clasicon.”
Lionel Messi
Shigjetari më i mirë i La Ligës, mbajtësi i këpucëve evropiane të artë dhe pesë herë fituesi i Topit të Artë: rekordi i Messit, i kaluar dhe i tashëm, flet vetë. Argjentinasi është një tjetër zgjedhje automatike në këtë skuadër, duke filluar sezonin 2017-18 në formë fantastike duke ndihmuar gjithashtu vendin e tij drejt Kupës së Botës.
Luis Suarez
Pas një fillim të vështirë të sezonit duket se Luis Suarez është duke u rikthyer në formën e tij më të mirë. Sulmuesi uruguaian shënoi dy herë përballë Deportivos në fundjavë, duke cuar në 9 numrin e golave në La Liga dhe Barcelonën në +11 nga rivalët e tyre. Me Karim Benzemen që ka pasur shumë luhatje dhe Gareth Bale të shkatërruar nga lëndimet, mund të ketë pak debat rreth asaj se kush meriton rolin qendror përpara.
Cristiano Ronaldo
Ronaldo apo Messi, Messi apo Ronaldo? Për fat të mirë në këtë skuadër nuk ka nevojë për të zgjedhur: ka hapësirë për të dy rekormenët në këtë 11-tëshë të kombinuar. Ronaldo barazoi Messin këtë muaj duke fituar për të pestën herë “Topin e Artë”, por në këtë sezon në kampionat ai nuk ka treguar formë e tij më të mirë dhe ka fjalë që ai po e ruan për gjysmën e dytë të sezonit. TIRANA TODAY
TIRANA TODAY
